قصه البنت مع الشاعر

من طرف **محمد يسلم** الخميس مايو 27, 2010 3:50 am

قصة بنت كانت تطالع واحد بعين قويه

****
المهم الرجال طلع شاعر

****
وما قصر فيها كم بيت عشان تتأدب

******
لكن المفاجأه هي ؟؟؟؟
****
تابع القصيدة
***
ماراح تمل؟ تابع للأخير

يقول:

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

جداا رائعه ولكن كن حليما فلم العجله ؟؟

من طرف **بنت النور** الجمعة مايو 28, 2010 3:53 am

فعلا القصيده حلوه لكن الشاعر كان مستعجل وما يتأكد
فقد اتهم البنت بقلة العفه وهذا خطاء كبير
فالبنت ما لها الا عفتها وبس
وانت ايش رأيك في هذا الشخص يا محمد

شكرا لك اخي الغالي على الموضوع والقصيده الجميله

من طرف **aljefri88** الأربعاء يونيو 16, 2010 5:24 am

قصيده حلوه ياااااااااااااااااااااااااااااااا ود يسلم

شاعر مطعوووووووور يرمي بالكلام قبل ما يـاكد منه

على العموم شكرا لك على القصيده الحلوه

قصه البنت مع الشاعر

قصه البنت مع الشاعر

رد: قصه البنت مع الشاعر

رد: قصه البنت مع الشاعر

رد: قصه البنت مع الشاعر